२०७० मंसिर १७ गतेको पुरै पत्रिका

हार्दिक बधाइ !

मकवानपुर क्षेत्र न. १ मा नेपाली काँग्रेसका तर्फबाट 'इन्द्रबहादुर बानियाँ' ११, ८८८ मतका साथ विजयी भएका छन्। बानियाँका निकटम प्रतिद्वन्दी नेकपा एमालेका 'अणराज जर्गा मगर'ले ९,५२२ मत प्राप्त गरेका थिए । 

                 

 


त्यस्तै, मकवानपुर क्षेत्र न. २ मा नेकपा एमालेका तर्फबाट 'सुवासचन्द्र ठकुरी' ११,७११
मतकासाथ विजयी भएका छन्।  ठकुरीका निकटतम प्रतिद्वन्दी नेकपा एमाओवादीका पुर्व उपाध्यक्ष नारायणकाजी श्रेष्ठ 'प्रकाश' ले १०,७४० मत प्राप्त गरेका थिए ।

















त्यसैगरी, मकवानपुर क्षेत्र न. ३ मा नेकपा एमालेका तर्फबाट 'अनन्त पौडेल' १४,२६८
मतकासाथ विजयी भएका छन्। पौडेलका निकटतम प्रतिद्वन्दी राप्रपा नेपालका दीपकबहादुर सिंहले ११,४६७ मत प्राप्त गरेका थिए ।

यता,  मकवानपुर क्षेत्र न. ४ मा नेकपा एमालेका तर्फबाट 'राजाराम स्याङ्तान' १०,९०४ मतका साथ विजयी भएका छन्। स्याङ्तानका निकटतम प्रतिद्वन्दी नेकपा एमाओवादीका सोनामसिं स्याङ्तान 'विजय' ले ७,७८८ मत प्राप्त गरेका थिए ।

किरियापुत्रीले गरे मतदान

छोरीको सहयोगमा मतदान गरिसकेपछि किरियापुत्री यज्ञकुमार श्रेष्ठ/छवि अनित्य

छवि अनित्य,
४ मंसिर÷हटियाः
देशभरका मतदाताले उत्साहपूर्वक सहभागिता जनाएको संविधानसभाको निर्वाचनमा मकवानपुरमा किरियापुत्रीले पनि भोट हालेका छन् । हटिया गाविसस्थित बालबोध उच्च माध्यमिक विद्यालयको ख मतदान केन्द्रबाट ५३ वर्षिय यज्ञकुमार श्रेष्ठले मतदान गरेका हुन् । बुबा शंकर श्रेष्ठको मृत्यु भएको ११ औँ दिनमा श्रेष्ठले छोरीको सहयोगमा मतदान गरेका हुन् । उनिसँगै कोरा बसेकी उनकी ७३ वर्षिय आमा विष्णुकुमारी श्रेष्ठले पनि सोही केन्द्रबाट मतदान गरेकी छिन् । कूल एक हजार सात सय ५६ मतदाता रहेको बालबोध उच्च मावि केन्द्रमा ८२.८० प्रतिशत मतदाताले भोट हालेको मतदान अधिकृत मित्रलाल पौडेलले बताएका छन् ।

मङ्सिर ३ गतेको पत्रिका

कार्तिक २५ गतेको पत्रिका

कार्तिक २५ गतेको पूरै पत्रिका

कार्तिक ११ गतेको पत्रिका

कार्तिक ११ गतेको पूरै पत्रिका

कार्तिक ४ गतेको पत्रिका

कार्तिक ४ गतेको पूरै पत्रिका

दसैंमा माग्दै नेताहरू

चाडपर्व लगत्तै परेको संविधानसभाको चुनाव नेताहरूको लागि दुबै हातमा लड्डु भएको छ । संविधानसभाका उमेद्वारहरूले यो अवसरलाई राम्रै सदुपयोग गर्ने योजना बनाएका छन् । आफ्नो क्षेत्रमा १२ देखि १५ हजार मत ल्याउनेको जीत हुने भएकाले पनि समय खेर फाल्नु नेतालाई ठूलै मूल्य चुकाउनु बराबर हुनेछ । यसैले, दशैमा समय मिलाएर भएपनि मतदाताहरुलाई भेट्ने योजनामा नेताहरू छन् ।   

नेपाली काँग्रेसका महासमिति सदस्य इन्द्र बानियाँ आफ्नो मूल घर हर्नामाडीमा बिताउँदा भोटरसङ्ग रहने बताउँछन् । क्षेत्र नं. एकमा आफ्नो जीत निस्चित भए पनि, प्रतिद्वन्दीलाई भारी मतले हराउने योजनाका साथ दसैँमा पूर्वी मकवानपुरका कार्यकर्ता तथा जनतासङ्ग रहने उनको योजना छ ।

उता, अघिल्लो संविधानसभाको चुनावमा पशुपति समशेरको राप्रपाबाट उठेका मकवानपुर क्षेत्र नं. दुईका भीमबहादुर भोम्जनलाई कमल थापाको राप्रपाबाट अहिले उठेकाले चाडबाड हुनु र नहुनु एकै भएको छ । भोम्जन पनि दसैंमा  आफ्नो क्षेत्र नं. दुईका जनताको घरदैलोमा जाने सुरमा छन् ।

यस्तै, मकवानपुर क्षेत्र नं. तीनमा आफूलाई जनताले बिजय गराउने विस्वास राखेका नेकपा एमाले नारायणी अंचल कमिटीका सचिब अनन्त पौडेल दसैंमा मतदाताको घरमा पुग्ने बताउँछन् । चुनाबी अभियान कुनै पनि औपचारिक कार्यक्रम नगरे पनि मतदाताको घरदैलोमा पुगेर दशै मनाउने योजना रहेको उनले बताए ।

त्यसैगरी,  दशै मनाउनका लागि अघिल्ला बर्षहरुमा आफ्नो मुल घर सिंधुली जाने गरेका एकीकृत माओबादी मकवानपुरका ईन्चार्ज तथा मकवानपुर क्षेत्र नं. चारका उमेद्वार सोनामसिं स्याङतान 'बिजय' यसपाली घर नजाने भएका छन् । चुनाब निकै नजिएकाले दशैमा घर जानु भन्दा पनि मतदाता माझ बसेर दशै मान्ने उनको योजना रहेको छ । रगत र पिसाबमा देखिएको समस्याका कारण अस्पतालमा भर्ना हुन डक्टरले दिएको सल्ललाहलाई समेत नमानेर बिजय जनतासङ्ग दसैं मान्न चार नं. क्षेत्र जाने तयारीमा छन् ।   

मकवानपुरका बिभिन्न क्षेत्रका उमेद्वारका साथसाथै अन्य नेता तथा कार्यकर्ताहरूले पनि दसैंलाई भोट माग्ने राम्रो अवसरको रुपमा बुझेका छन्।

'जनताको सहकार्य आवश्यक'

एकीकृत नेकपा माओवादीका नेता तथा मकवानपुर क्षेत्र नंबर २ मा उमेद्वार नारायणकाजी श्रेष्ठ‘प्रकाश’ले जनमुखी राजनीतिलाई अघि बढाउनको लागि जनताको सहकार्य आवश्यक भएको बताउनुभएको छ  । यस अघिको संविधान बनाउनको लागि प्रतिक्रियाबादीले नदिएको बताउँदै उहाले अबको चुनाबमा दुई तिहाइ मत दिई विजयी गराउन आग्रह गर्नुभयो ।
माओवादीबाट वैद्यले एक खेमा चोइटिएर गए पनि एकीकरणले एकीकृत नेकपा माओवादी अझ बलियो भएको बताउनुभयो । यसका लागि मंसिर ४ गते तोकिएको निर्वाचनमा सबैको अर्जुन दृष्टि हुन आग्रह गर्नुभयो । उनले यो चुनाव दोस्रो नभए अन्तिम चुनाव पनि भएको बताउनुभयो । दसैको शुभकामना आर्दान प्रदान कार्यक्रममा उमेद्वार प्रकाशले आफ्नै नेतृत्वको सरकारले स्वीकृत दिएको सुरुङमार्गको नारा लिएर चुनाव जित्ने आश गर्नेहरुको सपना मात्र हुने बताउनुभयो । नेपाली जनतालाई विकास भन्दा संविधान चाहेको उहाँको भनाइ थियो । कम्युनिष्ट पाटी जे गर्छ त्यो बोल्छ, जे बोल्छ त्यो गर्छ भन्दै जनताको माग र चाहेको विकास पूरा गर्ने बताउनुभयो ।  उहाँले चन्द्रागिरी मार्गलाई पूरा गर्ने अभिभारा पनि आफ्नो पार्टीले लिने उद्घोष गर्नुभयोे । मकवानपुर क्षेत्र पर्यटन, कृषि लगायतको विकासको लागि आफ्नो पाटी र आफू तयार भएको उल्लेख गर्दै जिल्लालाई नै नमुना बनाउने आश्वासन दिनुभयो ।
कार्यक्रममा मकवानपुरका पूर्व स्थानीय विकास अधिकारी भूवनप्रकाश विष्ट, एकीकृत नेकपा माओवादी मकवानपुर सचिवालय सदस्य अरुण रायमाझी, ताम्सालिङ राज्य समिति सदस्य ज्योति रायमाझी, पूर्व सभासद् प्रेमबहादुर पुलामी छिन्तु, षेत्रिय इन्चार्ज विष्णु विष्ट ‘आदर्श’ लगायतकाको उपस्थिती रहेको थियो ।  

'पाहुना उम्मेदवारलाई बिदाई गर्नूस्'

शिवकुमार काशी
मनहरी/नेकपा एमालेका पोलिट्ब्यूरो सदस्य काशिनाथ अधिकारीले पाहुनाका रुपमा विभिन्न पार्टीबाट निर्वाचनमा सहभागी हुन आएका उम्मेदवारलाई क्षेत्रका मतदाताले विदाई गर्नुपर्ने बताउनुभएको छ ।
नेकपा एमाले ४ नं क्षेत्रीय निर्वाचन प्रचारप्रसार कार्यालयको उद्घाटन तथा चियापान कार्यक्रमलाई सम्बोधन गर्दै नेता अधिकारीले भूगोलका समस्या र सबालहरुको सही सम्बोधन गर्न भूगोलमै भिजेको नेताको जरुरत रहेको बताए । उनले भने, ‘बाहिरबाट ल्याइएका टुरिस्ट उम्मेदवारहरुबाट डाँडापाखाका सबालहरु नयाँ संविधानमा उठ्नेवाला छैन ।’ उनले डाँडापाखामा आधारभूत जनतासँग भिजेर जीवन बिताएका उम्मेदवारहरुले मात्र जनताका कुराहरु सुन्न सक्ने भएकाले सभासद छनौटमा अत्यन्तै ध्यान पु-याउनुपर्ने तर्क गरे । भने, ‘बिगतमा जस्तो गल्ती नेपाली जनताले अबको चुनावमा गर्ने छैनन् र गर्नु पनि हुँदैन ।’ कार्यक्रममा ४ नं क्षेत्रीय कमिटीका अध्यक्ष तथा उम्मेदवार राजाराम स्याङ्तानले एमालेकै नीति, एमालेकै नेतृत्व भन्ने नारालाई स्थापित गर्न आफू र आफ्नो पार्टी अघि बढेको धारणा ब्यक्त गरे ।
 ४ नं क्षेत्रीय उपाध्यक्ष हेमलाल उप्रेतीको सभाध्यक्षतमा भएको कार्यक्रममा एमाले केन्द्रीय सदस्य ललित बस्नेत, राष्ट्रिय प्रतिनिधि परिषद सदस्य एकराज उप्रेती, क्षेत्रीय इन्चार्ज तथा जिल्ला सचिवालय सदस्य गोविन्द चेपाङ, २ नं क्षेत्रीय इन्चार्ज बिष्णु ढकाल, जिल्ला कमिटी सदस्य अनिल बानियाँ, कृष्णवहादुर चेपाङ, नवराज सुवेदी, भूमिनन्द अर्याल, बच्चुराम ढुंगानासहित क्षेत्रीय, जिल्ला, गाउँ तहका पार्टी सदस्य, शुभचिन्तकहरुको सहभागिता रहेको थियो ।
 यसैबीच पोलिट्ब्युरो सदस्य अधिकारी र केन्द्रीय सदस्य बस्नेतले पार्टीका क्षेत्रीय तहका कार्यकर्ताहरुलाई चुनावी प्रशिक्षण दिएका छन् । एमालेको नीति, एमालेकै नेतृत्व स्थापित गर्नका लागि भूमिका खेल्न अगुवा कार्यकर्तालाई प्रशिक्षण दिइएको नेकपा एमाले ४ नं क्षेत्रीय कमिटीले जनाएको छ । प्रशिक्षणमा युवा संघ, अनेमसंघ, प्रेस चौतारी, जातीय मुक्ति समाज, अनेकिसंघ लगायतका अगुवा कार्यकर्ताहरुको सहभागिता थियो ।

महासङघको शुभकामना कार्यक्रम

नेपाल पत्रकार महासंघ मकवानपुर शाखाले आज हेटौँडामा बडादशैँ, तिहार, नेपाल सम्बत्को अबसरमा शुभकामना आदनप्रदान तथा चियापान कार्यक्रम गरेको छ । कार्यक्रम नेपाल पत्रकार महासंघका केन्द्रिय सदस्य प्रताप बिष्टको प्रमुख आतिथ्य तथा मकवानपुर अध्यक्ष भानुभक्त आचार्यको अध्यक्षतामा भएको थियो । कार्यक्रममा नेपाल प्रेस यूनियनका केन्द्रिय सदस्य राममणी दाहाल, ब्रोडकास्टीङ्ग एशोसिएसन अफ नेपाल(बान)का केन्द्रिय सदस्य उज्ज्वल चौलागाई, सञ्चारिका समूह मकवानपुरकी अध्यक्ष सरिता दाहाल, जिल्ला खेलकुद बिकास समितिका अध्यक्ष बालकृष्ण चौलागाईलगाएतले शुभकामना व्यक्त गर्नुभएको थियो ।
त्यस्तै, नेपाली काँग्रेस मकवानपुरलेपनि आज हेटौँडामा बडादशैँ, तिहार, नेपाल सम्बत्, छठ र इदको अबसरमा शुभकामना आदनप्रदान तथा चियापान गरेको छ । कार्यक्रममा नेपाली काँग्रेस मकवानपुरका सभापती रघुरमण न्यौपाने, सचिब बिष्णु दाहाल, निर्बाचन क्षेत्र नम्बर २ का उम्मेदवार जयराम लामिछाने, निर्बाचन क्षेत्र नम्बर ४ की उम्मेदवार उमा दाहाललगाएतले शुभकामना व्यक्त गर्नुभएको थियो ।
यसैगरी, बडादशैँ, तिहार, नेपाल सम्बत्, छठ र ल्होछारको अबसरमा सामूदायिक बन उपभोक्ता महासंघ मकवानपुर शाखालेपनि शुभकामना आदनप्रदान तथा चियापान गरेको छ । आजै हेटौँडामा भएको कार्यक्रम सामूदायिक बन उपभोक्ता महासंघ मकवानपुरकी अध्यक्ष पञ्चमायाँ स्याङ्तानको अध्यक्षतामा भएको थियो । कार्यक्रममा मध्यमाञ्चल क्षेत्रीय निर्देशनालय, हेटौँडाका क्षेत्रीय निर्देशक राजदेबप्रसाद यादबको बिशेष आतिथ्य तथा सामूदायिक बन उपभोक्ता महासंघकी केन्द्रिय कोषाध्यक्ष भारती पाठकको प्रमुख आतिथ्य रहेको थियो । कार्यक्रममा जिल्ला बन कार्यालय मकवानपुरका जिल्ला बन अधिकृत ईमामुद्दीन अन्सारी, जिल्ला भु–संरक्षण कार्यालयका बामदेव ढकाल, मकवानपुर वन प्राबिधिक समाजका बिष्णुप्रसाद आचार्य, सामूदायिक बन उपभोक्ता महासंघका जिल्ला उपाध्यक्ष चित्रकुमारी गुरुङ्ग, महासचिब महारत्न लामा, सदस्य साधुराम चौलागाईलगाएतले शुभकामना व्यक्त गर्नुभएको थियो ।

असोज २१ गतेको पूरै पत्रिका

पढ्नुहोस असोज २१ गतेको पूरै पत्रिका 

रोभर रेञ्जर क्र्यु मकवानपुरको दिक्षान्त समारोह

मनोज पोख्रेल
नेपाल स्काउट रोभर/ रेञ्जर क्र्यु मकवानपुरको दिक्षान्त समारोह नवलपुरस्थित पुन्यक्षेत्र मन्दिर परिसरमा सम्पन्न भएको छ । गतसालको  भदौ २९ गतेबाट २५ जनाको संख्यामा सुरु भएको क्र्युको एक वर्षको तालिमपश्चात दिक्षान्त भएको हो ।
 तालिममा सफल हुने ६ जना रोभर तथा ९ जना रेञ्जरहरुलाइ रोभर स्काउट लिडर अशोक सारु र रेञ्जर स्काउट लिडर रुकु मिश्रले दिक्षा दिएका हुन् । असोज १८ गतेदेखि २१ गतेसम्म संचालित क्याम्पिंग कार्यक्रममा रोभरहरु अच्युत पराजुली, मनोज पोख्रेल, विमल खत्री , नयनज्योति सुबेदी , साहरुख अन्सारी र श्रवण न्यौपाने तथा रेञ्जरहरु सुमी लामा , रमा श्रेष्ठ , आकृति ढुंगेल , सिर्जना बिडारी , बिबिता मगर , संजिता घलान , निशा गौतम , मेनुका दाहाल र सुनिता डिमडुंग दिक्षित भएका छन् । 
नेपाल स्काउट मकवानपुर जिल्ला आयुक्त बेली थापाको प्रमुख आतिथ्यता रहेको दिक्षान्त समारोहमा स्काउटर बशुधा खड्गी , पुरुषोत्तम आचार्य , तारा दाहाल , नन्दलाल दास , बुद्धिनाथ न्यौपाने , किशोर श्रेष्ठ , शर्मिला श्रेष्ठ , श्रीसटी गुरुङ , सचिन लामा लगायतको आतिथ्यता रहेको थियो । सिनियर टिममेट अच्युत पराजुलीले स्वागत मन्तब्य राख्नु भएको कार्यक्रम दल समिति अध्यक्ष रामहरी मैनालीको अध्यक्षतामा सम्पन्न भएको हो।

बाल जाग्रितीको खेलकुदका झलकहरू

बाल जाग्रिती इङ्लिस सेकेन्डरी स्कुल, हेटौँडाले दशैको अवसरमा आयोजना गरेको अन्तरिक त्रिदिवसीय खेलकुद प्रतियोगिताका झलकहरू