कालिटारमा घुम्ती स्वास्थ्य क्लीनिक सम्पन्न

हेटौँडा/युवा सेवा समाज (युसेस) र यूनिलिभरको लायफव्याय प्रोडक्टको सहकार्यमा भैंसेको कालिटारमा नि:शुल्क घुम्ती स्वास्थ्य क्लीनिक सम्पन्न भएकोछ। घुम्ती  क्लिनिकमा ४६ जनाले नि:शुल्क स्वास्थ्य परीक्षण गराएका थिए।

परीक्षण गरिएका छ वर्षदेखि ७० वर्षका विरामीहरु मध्ये अधिकांशमा दन्तहर्ष पाईएको  दन्तरोग विशेषज्ञ डा. विप्लव अधिकारीले बताएका छन्। २९ जना महिला तथा १७ जना वालवालिका र पुरुष दन्तरोगीहरुमध्ये ८ जनाको दांत झिकिएको थियो। घुम्ती स्वास्थ्य क्लीनिकमै  विरामीहरुलाई निशुल्क औषधी समेत वितरण गरिएको थियो ।
 यूनिलिभर लिमिटेडको सहकार्यममा यूसेसले हरेक महिना दुईवटा गाविसमा एकएक वटा घुम्ती स्वास्थ्य  क्लीनिक संचालन गरिरहेको यूसेसका अध्यक्ष बुद्धशरण लामाले जानकारी दिएकाछन्।