‘मेरो हिरोइन झरना थापा’- राजन शिल्पकार (आउट अफ ट्रयाक)

ललितपुरमा सम्पन्न राष्ट्रियस्तरको बक्सिङ प्रतियोगितामा स्वर्णपदक हात पारेर सुरु

गरेको पदक यात्रा पाँचौँ राष्ट्रिय खेलकुदमा ७५ केजी तौल समूहको स्वर्णपदकसम्म आइपुग्दा एक समय नेपाली खेलकुदमा चर्चामा रहेका खेलाडी हुन्, राजन शिल्पकार । अझ बैंककमा किङ्स कप अनि वल्र्ड च्याम्पियनसीप खेल्न इटलीसम्म पुग्दा अन्तर्राष्ट्रिय जगतमै परिचित हुन पुगे उनी । हाल जागिरको सिलसिलामा खेल क्षेत्रमा पुरै समय दिन नसकिरहेका स्व. पुरुषोत्तम शिल्पकार र लक्ष्मी शिल्पकारका कान्छा छोरा अनि एक दाजु र तीन दिदीहरूका भाइ राजनसँग छवि अनित्यले गरेको अन्तरङ्ग कुराकानीः
बक्सिङमा कताबाट लागियो ?
  सुरुआत भनेको साथीहरूसँगको लहैलहैमै लागियो । त्यतिबेला हाम्रो टोलतिर बक्सिङ खेल्न जाने केटाहरूको सङ्ख्या थुप्रै थियो । म पनि त्यसैमा लागेँ ।
खेल्दाखेल्दै ठूलै खेलाडी पो भइयो त है ?
        सुरुमा त सकिँदैन कि जस्तो पनि लागेको थियो । तर खेल्दै जाँदा सक्छु जस्तो लाग्दै आयो ।
चिन्नेहरूको भिडमा राजन भनेर पछि लाग्नेहरू चाहिँ कत्तिको भए त ?
        थिए अलिअलि । उहाँहरूले त कुन रुपमा लिनुभएको हो थाहा भएन । तर मैले चाहिँ नर्मल्ली नै लिएँ सबैलाई ।
साहै्र रिसाउँथे होला नि मतलब नगर्दा त ?
        रिसाउनेहरू रिसाइरहन्थे नि । तर त्यसलाई सिरियस्ली चाहिँ लिइनँ ।
आफैँ चाहिँ कति जनाको पछि लाग्नुभयो ?
        छैन । आजसम्म पछि लागेको छैन ।
कोही रिसाउलान् भनेर यस्तो जवाफ दिनुभा’को त हैन नि ?
        हैन हैन । रियलमै पछि लागेको छैन ।
बिहेको प्लानिङ त भैरा’को छैन नि ?
        हल्काफुल्का भैरा’छ ।
के सुविधा भयो भने नेपाली खेलाडीहरूले राम्रो पर्फमेन्स दिन सक्लान् ?
        यो म आफैँले पनि भोगेको कुरा हो । मलाई अहिले पनि खेल्ने इच्छा र जाँगर छ । तर खेलाडीको लाइफ सेक्युअर छैन । विभागीय टिमहरू आर्मी, पुलिसबाट बोलाउँछन् तर त्यहाँ खालि खेललाई मात्र हेर्छन्, उनीहरूको पढाइ र अन्य क्षमताअनुसारको पोष्ट दिँदैनन् ।
खेल्ने आÇना लागि, परिवारका लागि वा देशका लागि ?
        खेल भनेको अन्तर्राष्ट्रिय स्तरमा देशकै लागि हो । तर त्यसमा फेमली सपोर्ट पनि हुनुपर्छ ।
खेलक्षेत्रमा स्थापित भइसकेपछि केटी साथीहरूले गर्ने रेस्पोन्समा कत्तिको फरक छ ?
        सुरुसुरुमा त त्यस्तो केही थिएन । तर अलि पछि चाहिँ सबैले राम्रो रेस्पोन्स
गरिरहनुभएको छ । पहिले त कतिले गुन्डा पनि भन्थे नि ।
रिङमा उत्रेपछि केटाको हुटिङ सुन्न मन पर्छ कि केटीको ?
        खेल्दा जित्नको लागि भनेर खेलिन्छ । त्यसैले हुटिङतिर भन्दा पनि अर्को खेलाडितिर चाहिँ बढी ध्यान हुन्छ ।
ज्यान त निकै Þयान्डसम छ, कसैले फिल्ममा अफर गरिहाल्यो भने हिरोइन चाहिँ को भैदिए हुन्थ्यो होला ?
        अहिलेको हिरोइन को छ भन्ने नै थाहा छैन, पुरानासँग खेलाँै भने उनीहरूको छोराजस्तो देखिन्छु होला । पुरानामा त गौरी मल्ल राम्रो लाग्छ । तर झरना थापा चाहिँ साँच्चिकै हिरोइन भन्न सुहाउने छ ।
अन्त्यमा तपाइँलाई मन पर्ने कुनै तीनवटा कुरा केके हुन् ?
        पहिलो त बक्सिङ ग्लोब, आÇनै खेलका लागि । दोस्रो साइकल, मलाई साइकलको खुब सौख छ । र अर्को चाहिँ जुत्ता । सञ्जय श्रेष्ठ, कर्णदास र विधान श्रेष्ठको गीत पनि धेरै मन पर्छ ।