पुरस्कारको सारतत्व

अहिले धमाधम पुरस्कार वितरण हुन थालेको छ । साहित्यिक संस्थाहरुले आआफ्नो क्षेत्रमा सक्रिया साहित्यकार्लाई सम्मान गर्न थालेका छन । भर्खरै मातृभूमि साहित्य समाजले झण्डै आधा दर्जन स्रष्टालाई सम्मान गरेको छ । साहित्य सङ्गम मकवानपुर र सिस्नुपानी नेपालले भैरव स्मृति सम्मान चट्याङ मास्टरलाई प्रदान गर्न लागेको छ । मकवानपुरमा मुख्यगरी ३ वटा साहित्यिक संस्थाले दर्जनौं पुरस्कार स्थापना गरेको छ । अधिकांश पुरस्कार सक्रिया रहनेलाई प्रोत्साहन र योगदान गर्नेलाई सम्मानस्वरुप पुरस्कार दिँदै आएका छन् ।
साहित्य सङ्गम मकवानपुर, मातृभूमि साहित्य समाज, भीविराग सङ्गीत साहित्य कला प्रतिष्ठानले मकवानपुरमा पुरस्कार दिँदै आएका छन् । साहित्य र सङ्गीतका विधाहरुमा योगजदान गर्नेका लागि मकवानपुरमा २ दर्जन बढी पुरस्कार दिँदै आएको छ । ती संस्थाले जिल्लामा जिल्लास्तरको देखि राष्ट्रियस्तरमा सम्म पुरस्कार प्रदान गर्दै आएका छन् । पुरस्कारले नयाँ नयाँ स्रस्टालाई प्रोत्साहन त गरेका छ नै, मुलुकभर छरिएर रहेका योदान पु¥याएकालाई सम्मान प्रदान गरेको छ । यसले मकवानपुरसँग विभिन्न जिल्ला र क्षेत्रमा रहेका साहित्य सम्बन्ध जोड्ने काम गर्छ ।
साहित्य र सङ्गीत क्षेत्रमा जति पुरस्कार स्थापना भएका छन्, तिनले समाजको योगदानलाई कदर गर्छन् । समाजमा अरुअरु क्षेत्र पनि छन्, आआफ्नो क्षेत्रमा योगदान गर्नेलाई कदर गर्नैपर्ने हुन्छ । तर अन्य क्षेत्रमा उस्तो पुरस्कार स्थापना भएको पाइन्न । अन्य क्षेत्रमा पनि पुरस्कारको आवश्यकता छ ।