नेकपा मालेले पनि छान्यो उम्मेदवार

हेटौंडा/नेकपा माले मकवानपुरले प्रत्यक्ष र समानुपातीका लागि उम्मेदवारको छनोट गरेको छ । पार्टी स्रोतका अनुसार माले मकवानपुले क्षेत्र नम्बर एकबाट कुमार सञ्जेल, क्षेत्र नम्बर दुईमा शितल लामा,क्षेत्र नम्बर तीनमा रमेश विकको नाम छनोट गरेको छ ।
मालेका एक जिल्ला सदस्यका अनुसार क्षेत्र नम्बर चारमा तीर्थराज सुवेदी र अइतेसिंह चेपाङमध्ये एक जनाको नाम छनोटमा विवाद भएपछि स्थगित गरिएको छ ।
मालेले मकवानपुरबाट समानुपातीतर्फ तीर्थदेवी सिलवाल, विष्णुलाल महर्जन र सविना विकको नाम छनोट गरेको उल्लेख छ । पार्टीको सचिवालयले केही दिनमा चार नम्बर क्षेत्रबाट एक जनाको नाम छनोट गरेर केन्द्रमा पठाउने भएको छ ।
संविधान सभाको निर्वाचनका लागि मकवानपुरका ठुलादेखि सानादलसम्म चारै क्षेत्रमा उम्मेदवार उठाउनका लागि छनोटमा लागेका छन् ।  मकवानपुरबाट एमाओवादी र राष्ट्रिय जनमोर्चाले जिल्ला तहबाट सम्भावित उम्मेदवारको नाम छनोट गरेर केन्द्रमा पठाइसकेका छन् ।